კამპანია “ისაუბრე ქართულად”

IBSU-ს სამაგისტრო პროგრამის “ციფრული მედია და კომუნიკაციის” სტუდენტებმა მოამზადეს კამპანია “ისაუბრე ქართულად”. კამპანიის შექმნაში მონაწილეობდა ოთხი სტუდენტი: ავთანდილ ზარნაძე, ანანო სამხარაძე, გიორგი ჭოხონელიძე და ქეთი კვანტალიანი. მასალა მომზადდა საგნის “სოციალური მედიის სტრატეგია და PR კამპანიების” ფარგლებში. ლექტორი: სოფიო მგალობლიშვილი 

 

კამპანიის კონცეფცია

#ისაუბრექართულად – ჩვენი ჯგუფის პროექტია, რომელიც  პროექტი  ისახავს ახალგაზრდებში ბარბარიზმების, უცხოური ლექსიკისა და უბრალოდ არამართებული სიტყვების ჩანაცვლებას ქართული შესატყვისით. ყველაფერი ქართულად, გამართულად საუბრის საჭიროებიდან და სურვილიდან დაიწყო. ბევრი ტერმინია, რომლებიც ძალიან გვჭირდება ყოველდღიურ საქმიან ცხოვრებაში და მათ ქართულ შესატყვისებს არ/ვერ ვიყენებთ, ისინი ხშირად მოძიებულიც კი არაა.

#ისაუბრეექართულად – კამპანია სრულიად უნიკალური შესაძლებლობაა, რომ გადაგვეხედა ჩვენი საუბრისა და მიმოწერისთვის და დაგვეწყო  ქართულად ლაპარაკი. ეს ეხება როგორც თანამშრომლებს შორის კომუნიკაციას – წერილებს, შეტყობინებებს, ისე ყოველდღიურ მეტყველებაში დამკვიდრებული უცხოსიტყვების ქართულით ჩანაცვლებას. იდეა ყველამ ერთად აიტაცა. ყველამ გავაქართულეთ ხელმოწერები, გადმოვიწერეთ ქართული შრიფტები ტელეფონებში… დავიწყეთ ჩვენი სარეკლამო მასალების გადახედვა და ისეთი ტექნიკური საკითხების მოგვარება, რომლებიც ამ წამოწყების განხორციელებაში დაგვეხმარება. უკვე ვხედავთ, რომ ეს საკმაოდ რთული საქმეა, თუმცა ვფიქრობთ, წარმატება წინაა.

ვმუშაობთ იმაზე, რომ ამგვარ ლექსიკონებს დაემატოს ქართული სიტყვები, ითარგმნოს ტერმინები. შავი ზღვის საერთაშორისო უნივერსიტეტში სულ რაღაც 3 კვირაა, რაც პროექტი კურსელებსა და ლექტორებს გავაცანით და ნათლად ვხედავთ, როგორი მონდომებით ცდილობენ ჩვენი კოლეგები ქართული შესატყვისების გამოყენებას: დილას ვიწყებთ განახლებით (Update), შემდგომ უკუკავშირის დროა (Feedback) აი, სიტყვა Brainstorming-ს ჯერ შესატყვისი ვერ მოვუძებნეთ და ზუსტად აქ მივხვდით, რომ საზოგადოების სხვადასხვა სფეროს წარმომადგენლის დახმარება გვჭირდებოდა, რათა ერთობლივი ძალებით მოგვეძია უცხოური სიტყვების ჩამნაცვლებელი ქართული შესატყვისები.

მისი პირველი ეტაპი საზოგადოებისთვის ქართული ენის ისტორიის თანამედროვე ფორმებით მოყოლას მოიცავს, თუმცა მხოლოდ საინტერესო თხრობა ვერ იქნება მნიშვნელოვანი ცვლილებების საწინდარი. გამომდინარე იქიდან, თუ რა შედეგი მოგვცა #წერექართულად კამპანიამ, ჩვენი გუნდი ფიქრობს, რომ #ისაუბრექართულად მსგავს შედეგს მოგვცემს და შეცვლის არსებულ მდგომარეობას. ჩვენს საზოგადოებაში ბარბარიზმების, უცხო ლექსიკისა და დამახინჯებული სიტყვების გამოყენებას დიდი ხნის ისტორია აქვს და მივიჩნევთ, რომ ეს პრობლემაა. ხშირად ვხვდებით ტრადიციულ და ახალ მედიაში ისეთ ინტერვიუსა და პოსტებს, რომლებიც გაჟღენთილია ბევრი არამართებული სიტყვით. ეს არ არის იმ კონკრეტული ადამიანის დანაშაული. ეს ზოგადი პრობლემაა და წლების წინ დანერგილი ლექსიკის შემადგენელი ნაწილია. დაგვეწყო სრულად ქართულად საუბარი. ეს ეხება როგორც წერილების, შეტყობინებების გაგზავნას, ისე – ყოველდღიურ მეტყველებაში დამკვიდრებული უცხო სიტყვების ქართულით ჩანაცვლებას.

ჩვენი მიზანია, შევქმნათ ისეთი პლატფორმა, სადაც ჩვენი მოქალაქეები შეძლებენ ქართული ასოებით არამართებული სიტყვის ჩაწერას და მისი მართებული შესატყვისით ჩანაცვლებას. ამ პლატფორმას ექნება ე.წ. თარგმნის ფუნქცია. მაგალითად, ერთ ველში შეგვყავს სიტყვა „დიგიტალიზაცია“ და მეორე ველი გიჩვენებს ამ სიტყვის მართებულ ვერსიას.

სამიზნე აუდიტორია

ჩვენი კამპანიის სამიზნე აუდიტორია მოიცავს 15-25 წლამდე ახალგაზრდებს, გამომდინარე იქიდან, რომ ყველაზე მეტად მიესადაგება ამ ასაკობრივ ჯგუფს. ეს მოიცავს სკოლის მოსწავლეებს, აბიტურიენტებსა და სტუდენტებს. ამ ასაკის წარმომადგენლებს უფრო მეტად ესაჭიროებათ ჩვენი აპლიკაციის გამოყენება, რადგან დატვირთულია მათი სასწავლო პროცესი და მეტად არიან მიმართულნი სწავლისა და სიახლის შემეცნებისკენ. ამ კატეგორიას იმიტომ ვირჩევთ, რომ ყველაზე მეტი საშიშროებაა, რომ არ დაებინძუროთ ლექსიკა ამდენი ჟარგონით, ბარბარიზმით, გამოიყენებენ სმარტფონებს, სოციალურ ქსელებს და ბევრ არამართებული სიტყვის წარმოთქმას ეჩვევიან.

მეორეხარისხოვანი ასაკი ჩვენს შემთხვევაში არიან 45-55 წლამდე ადამიანები, რომლებიც მოიცავს სხვადასხვა სფეროში დასაქმებულ ადამიანებს, მათ შორის მასწავლებლებს, ლექტორებს, პოლიტიკოსებს და ა.შ. სქესს არ ენიჭება მნიშვნელობა, რადგანაც ორივე სქესის წარმომადგენლისთვის არის საჭირო და ჩვენი კამპანია არ არის გენდერულ საკითხთან კავშირში. ის სრულად საგანმანათლებლოა და როგორც მამაკაცებს, ასევე ქალებს ესაჭიროებათ მისი

გამოყენება. საცხოვრებელი ადგილი, უპირველეს ყოვლისა, მარტივი იქნება თბილისში მცხოვრებ ახალგაზრდებთან კომუნიკაცია და სკოლებსა თუ უნივერსიტეტებში მათთან შეხვედრა, თუმცა გამომდინარე იქიდან, რომ რაიონის ახალგაზრდების დიდი რაოდენობა სახელმწიფო გრანტებს იღებს, შევიძლია ვთქვათ, რომ რეგიონებში ინტერესი სწავლის მიმართ უფრო მაღალია და, შესაბამისად, ჩვენი აპლიკაცია მათთვის კიდევ უფრო საინტერესო იქნება. საცხოვრებელ ადგილზე როცა ვსაუბრობთ, ჩვენთვის მნიშვნელოვანია საქართველოს მასშტაბით მოვიცვათ თითქმის ყველა ადგილი, რათა ყველას მივაწვდინოთ ხმა და ეს

აპლიკაცია გავხადოთ აქტიურად გამოსაყენებელი. ჩავატარეთ დაკვირვება, კერძოდ, ყველა თაობის სხვადასხვა წარმომადგენელს ვაკვირდებოდით, როგორ საუბრობდნენ ქართულად, რომელიც დაგვეხმარა მართებული სამიზნე აუდიტორიის არჩევაში, თუ სად დავინახეთ საფრთხეები.

საფრთხე 15-25 წლამდე ახალგაზრდებში:

1. დამსინა
2. ვაბშე
3. დამაფოლოვა
4. დამსტალკა
5. დავიქრაშე

მესიჯბოქსები: #ისაუბრექართულად,  #ქართულიენა,  #ბარბარიზმი,  #აირჩიექართული.

სლოგანები – ნუ დაკარგავ ქართულ ენას, დაიცავი ქართული ენა…

მინდა შემოგთავაზოთ ჩვენი საკომუნიკაციო არხები, რომლებსაც გამოვიყენებთ სამიზნე აუდიტორიამდე ჩვენი სათქმელის მიტანისთვის.

• ტელევიზია საზოგადოებრივი მაუწყებლის  9 საათიანი  გამოშვება – ,,NEWS’’. გამომდინარე იქიდან, რომ იწყება საღამოს, ხალხი სამსახურიდან ბრუნდება და უმეტესად ოჯახში არიან, შეუძლიათ უყურონ ეთერს. ამიტომ, საინფორმაციო გამოშვებაში შეგვიძლია ვისაუბროთ ჩვენს მიზნებზე, საიტის კონცეფციაზე, რა გეგმები გვაქვს, რას ველით, საერთოდ რატომ წამოვიწყეთ, რა შედეგი გვინდა მივიღოთ. გავაშუქებთ საიტის მოდელს, შემდგომში  ჩვენი სპონსორების ვინაობას, დავაანონსებთ აქტივობებს და მოვუწოდებთ საზოგადოებას ჩაერთოს ჩვენს კამპანიაში და დაგვეხმარონ იდეის განხორციელებაში. ტელევიზიაში გაშუქებული სიუჟეტი დაგვეხმარება სოციალურ მედიაში კარგი მასალით ვპოზიციონირდეთ. სიუჟეტში აღწერილი იქნება ჩვენი საიტის პრეზენტაცია.თავიდან მოცემული იქნება, კადრები სადაც ჩვენი სლოგანები, მესიჯბოქსები, საიტის ვიზუალი, და რა თქმა უნდა, ლოგო. ინტერვიუ იქნება ორგანიზატორთან, მოწვეულ სტუმრებთან (რომლებსაც მოვიწვევთ პრეზენტაციის დროს, ესენი იქნებიან პროფესორები, საგანმანათლებლო სფეროს წარმომადგენლები, სპონსორები) მათი პოზიტიური შეფასებები მნიშვნელოვანი იქნება საზოგადოების დადებითი გამოხმაურებისთვის. დავაანონსებთ, კამოანიის ფარგლებშ განსახორციელებელ აქტივობებს.
• ფეისბუქი ფეისბუქგვერდი ყველაზე აქტიური პლატფორმა იქნება, საქართველოში ძირითადად ფეისბუქით ვრცელდება ინფორმაცია. ჩვენი გვერდი დატვირთული იქნება ჩვენივე ლოგოთი, სურათებით, გაწერილი იქნება, თუ რა არის იდეა, მიზანი. ჩვენი მესიჯბოქსები, ვიდეო თუ ფოტომასალები. სახალისო გამოკითხვები ჩვენი იდეის გარშემო, რეკომენდაციები. ასევე, გვსურს, რომ გავავრცელოთ პოზიტიური ახალი ამბები. მაგალითად, რომელიმე პოლიტიკოსმა კონკრეტული სიტყვა გამოიყენა მართებულად, რაც აჩვენებს, რომ შეგვიძლია დავინახოთ შედეგი და მხოლოდ არამართებულ სიტყვებს არ ვამჩნევთ.

რა თქმა უნდა, ტელევიზიაში გასული სიუჟეტები გადმოზიარდება და გარეკლამდება სხვა მასალებთან ერთად. ფეისბუქზე რეკლამირება განხორციელდება, იმ მნიშნელოვანი პოსტების და ვიდეოების, რაც გვინდა რომ საზოგადოებამ ნახოს. ღონისძებებს შევქმნით, სადაც ჩვენი აქტივობები დაიგეგმება. გავაკეთებთ გამოკითხვებს „იცით თუ არა რომ“? ტესტებს შევქმნით საგანმანათლებლო ხასიათის, რომელსაც რამდენიმე სავარაუდო პასუხი ექნება არასწორია და სწორია-ს პოსტერები დაიდება ყოველდღიურად და საზოგდოებას დავუსვამთ ამ კითხვებს, კომენტარში აქტივობისთვის.

• ინსტაგრამი ძირითადად ფოტოების და რილსიებისთვის განკუთვლინი პლატფორმა იქნება, რომელიც პირდაპირ გაზიარდება ფეისბუქზე. „სთორების“ მეშვეობით კი შევძლებთ საზოგადოებასთან მჭიდრო ურთიერთობის დამყარებას, გამოკითხვების მეშვეობით და მარტივად შევასწორებთ იმ ხარვეზებს, რომლებიც აუცილებლად კამპანიის წარმართვის დროს გამოიკვეთება.

ინსტაგრამის ამბებით (სთორი) გავაკეთებს კითხვა-პასუხის გამოკითხვებს, მივიღებთ რეკომენდაციებს, რას ისურვებდა საზოგადოება ჩვენგან, რა ხარვეზები გვაქვს გამოსასწორებელი, როგორი ღონისძიების დაგეგმა სურთ მათ, ამ პროცესში აუცილებლად იბადება ახალი იდეა, ჩვენს იდეასთან ასოცირებული, რომელიც კიდევ უფრო მეტად ჩართავს საზოგადოებას ჩვენი იდეის განხორციელების პროცესში.

• ტიკ-ტოკი დღესდღეობით ძალიან პოპულარული პლატფორმაა, სადაც უამრავი ახალგაზრდაა. აქ მუდმივად სახალისოო და შემეცნებით კონტენტს შევქმნით, არა მხოლოდ ჩვენი ჩართულობით, არამედ საზოგადოებას შეეძლება თვითონ მიიღოს მონაწილეობა სხვადასხვა აქტივობაში, რაც უფრო საინტერესოს და მხიარულს გახდის ამ პროცესს.

ტიკ-ტოკში გაკეთდება ვიდეოები, სადაც მოსწავლეები და სტუდენტები გააკეთებენ მოწოდებებს, რომ ვიმტყველოთ ქართულად, შეიქმნება სახალისო ვიდეოები იმასთან, დაკავშირებით, თუ როგორ არის დამკვიდრებული ჩვენში უცხო სიტყვები და პოპულარიზაციის მხრივ მოუწოდებენ ახალგაზრდები სხვა ადამიანებს, თუ როგორი მაგარია ისაუბრო ქართული სიტყვებით.

იქნება სწორია არასწორია ვიდეოებიც, ისევ მოსწავლეების ჩართულობით, რადგან ეს პლათფორმა იმდენად ვირუსული გავრცელებით არის გამორჩეული თან ბავშვებს უყვართ როცა მისი მსგავსი და მისივე ასაკის ბავშვი ესაუბრება მათ და აიგივებენ ერთმანეთთან, რომ ვფიქრობთ ეს პლათფორმა უნდა იყოს მხოლოდ მათთვის. ვიდეოს  დადებისას აუცილებლად უნდა დაურთონ შემდეგი ჯეშთეგები, ჩვენი კამპანიის მესიჯბოქსები, #ისაუბრექართულად,  #ქართულიენა,  #ბარბარიზმი,  #აირჩიექართული.

• იუთუბარხი დაგვეხმარება ყველა იმ ვიდეოს გენერირებაში, რომლებიც ჩვენი კამპანიის გარშემო იქნება. ასევე, ჩავწერთ პოდკასტებს, მოვიწვევთ სტუმრებს, რომლებიც ისაუბრებენ ქართული ენის მნიშვნელობაზე, მაგალითად, ლევან ღვინჯილია და კიდევ ბევრი პროფესორი და ცნობადი სახე, რომელსაც საზოგადოებრივი აზრის ფორმირებაზე დიდი გავლენა აქვთ. თუ ტიკტოკი ახალგაზრდებისთვის არის იუთუბზე შესაძლებელია, სწორედ ჩვენი მეორეული ასაკის სეგმენტისთვისაც შევქმნათ ცალკე მათთვის საინტერესო კონტენტი.
• ქუჩის აქტივობები ვგეგმავთ ბილბორდების გაკვრას, ქალაქის ყველაზე დატვირთულ ტერიტორიებზე, იმ ადგილებში, სადაც სკოლა და უნივერსიტეტია (ჩვენი სამიზნე ჯგუფიდან გამომდინარე). სადაც ნებადართული იქნება პლაკატების გაკვრა ყველა ადგილს ავითვისებთ. ბილბორდზე ჩვენი ლოგო იქნება დიდად გამოსახული, უშუალოდ საიტი და ჩვენი მესიჯბოქსი რაც განსაზღვრავს მთლიანად ჩვენს იდეას.
• ასევე ჩვენს ბანერებს განვათასებთ დიდ სავაჭრო ობიექტებში, სადაც ახალგაზრდები აქტიურად მოძრაობენ.
• ბანერებს განვათასებთ თბილისის ცენტრალურ ქუჩებში შუქნიშნებთან ახლოს, სადაც რამდენიმე წამით გაჩერებული მგზავრი დააკვირდება. ბანერებზე აგრეთვე იქნება QR კოდებიც.
• აქტივობები რომლებიც უნდა დავგეგმოთ ჩვენი კამპანიისთვის არის შედმეგი. გადავწყვიტეთ, რომ საგანმანათლებლო დაწესებულებებში გავაკრათ QR კოდები, რომლის დასკანირების შედეგად დაინტერესებული პირი ავტომატურად გადავა ჩვენი კამპანიის ვებ გვერდზე და დეტალურად გაეცნობა ჩვენს შესახებ ინფორმაციას. QR კოდებს განვათასებთ ასევე, სკოლებში, კოლეჯებში, უნივერსიტეტებში, სავაჭრო ცენტრებში,  და ისეთ გარემოში, სადაც ჩვენი სამიზნე აუდიტორია აქტიურადა მოძრაობს
• შემდეგი აქტივობისთვის გვაქვს ესეთი იდეა, დავბეჭდავთ, ჰუდებს, ჩვენი სლოგანით და ლოგოთი და საჩუქრად გავუგზავნით სხვადასხვა საგანმანათლებლო დაწესებულებებს. ასევე პრეზენტაციების დროს ჩვენც მუდმივად ჩვენი ჰუდებით და ზედებით ვიყოთ წარმოდგენილები. ეს ერთგვარად კომერციული თვალსაზრისითაც მომგებიანი შეიძლება იყოს, რადგან შესაძლებელი იქნება შემდგომში ამ პროდუქციის გაყიდვაც.
• ასევე ჩვენს ბანერებს განვათასებთ დიდ სავაჭრო ობიექტებში, სადაც

• საიტის შექმნა
• რაც შეეხება ჩვენს საიტს, იქნება ჩვენი ლოგოს ფერებში, რომელიც არის წითელი და თეთრი ფერის( საქართველოს დროშს ფერები). საიტის მარცხენა კუთხეში იქნება ლოგო განთავსებული. მარჯვენა კუთხეში იქნება ჩამონათვალი, სადაც იქნება ინფორმაცია  ჩვენს შესახებ. ასევე საიტზე განთავსებული იქნება სიახლეების ველი, სადაც აღწერილი იქნება ჩვენი თითოეული აქტივობა დეტალურად.
• რაც ყველაზე მნიშვნელოვანია ჩვენს საიტზე იქნება ყველა ის უცხო სიტყვა თავმოყრილი რომელსაც ქართველი ხალხი იყენებს საუბრის დროს და ავტომატურად შეყვანის შემთხვევაში დაინტერესებულ პირს ამოუგდოებს სწორ ქართულ შესატყვისს.
• საიტზე იქნება ჩვენი სხვადასხვა სოციალური სივრცის ლინკები მითითებული: faceboo, Instagaram Tik Tok
• თვითონ როგორ შეძლებენ ამ სიტყვების თარგმნას, წარმოვიდგინოთ translate.com მსგავსი ვიზუალით და ფუნქციით იქნება დატვირთული ჩენი მთარგმნელობითი ველი. ქართულად, ინგლისურად და კიდევ რამდენიმე ენაზე შეძლებენ სიტყვის შეყვანას საძიებო ველშ და პასუხი რა თქმა უნდა, ქართული იქნება.
• საიტს ექნება ფუნქცია, სადაც ხალხს შეეძლება თვითონ შეიყვანოს უცხო სიტყვა და მისი შესატყვისიც დაწერის, ერთგვარად დაგვეხმაროს ახალი სიტყვების მნიშვნელობის მოძიებაში, ჩვენის მხრივ ამ სიტყვებს გავაანალიზებთ და ლექსიკონში დავამატებთ, ეს ბევრ რესურსს და ხარჯებსაც შეგვიმცირებს.
• საიტის გარშემო ორივე მხრეს, ჩვენი სპონსორების ვიზუალიზირებული ვერსიები იქნება განთავსებული, მაგალითად საქართველოს ბანკის შემთხვევაში ეს იქნება ახალგაზრდებზე მორგებული შეთავაზებების გარეკლამება, თუ ეს კინოს ეხება კინოს საიტის განტავსება და ერთი დაწკაპუნებით გადასვლის შესაძლებლობა. ჩვენი სპონსორებს აქტივოების შესახებ მუდმივი განახლების შესაძლებლობა ექნებათ, რაც ჩვენთვისაც და მათთვისაც ორმხრივი შესაძლებლობა იქნება.
• არაქართული წარმოშობის სიტყვები. ასევე ტიკტოკზე გავაკეთებთ გამოწვევებს, სადაც მოვუწოდებთ ადამიანებს, რომ მათთაც გადაიღონ მსგავსი ვიდეო და მოფიქირონ ისეთი სიტყვები რომლებსაც ხშირად იყენებენ და მოიფიქრონ მისი ქართული ჩამნაცვლებელი ტერმინები. ვიდეოს  დადებისას აუცილებლად უნდა დაურთონ შემდეგი ჰეშთეგები.
• აპლიკაცია – ჩვენი კამპანიის შემადგენელი ნაწილია, რომ შევქმნათ აპლიკაცია სახელწოდებით -#ისაუბრექართულად, რომლის გადმოწერაც ყველას შეეძლება, ვისაც ინტერნეტი აქვს და იქნება სხვადასხვა სახალისო თამაში, ტესტი, შეეძლებათ ქულების დაგროვება და თანხაში გადაცვლა. ეს ფორმები მეტად გაზრდის ჩვენი კამპანიის მიმართ დაინტერესებას.

შედეგები – ჩვენი მოლოდინებია, რომ 15-25 წლამდე თაობის წარმომადგენლები მეტად დაფიქრდებიან ქართული ენის მნიშვნელობაზე, შენარჩუნებაზე. ისინი ძირითადად იყენებენ სოციალურ ქსელებს, რომლებიც ჩვენი საკომუნიკაციო საშუალებებია მათთან ინფორმაციის მისატანად. გვსურს გავავრცელოთ რეკლამები, ინფორმაცია ჩვენი საიტის შესახებ, რომელიც ახალგაზრდებს დაეხმარება, კონკრეტული სიტყვის მართებული ფორმის მოძებნაში. დაახლოებით 90% დაიწყებს ამ საიტის გამოყენებას, რაც ჩვენთვის დიდი მოტივაცია იქნება, რომ არ მოვდუნდეთ და ერთად შევინარჩუნოთ ჩვენი ქართული ენა და მუდმივად დავხვეწოთ საიტი და მომხმარებლების მოთხოვნებს  მოვერგოთ. ძალებს არ დავიშურებთ და ამ პროექტის პოპულარიზაციას შევუწყობთ ხელს – მას არც საზღვარი აქვს და არც ბოლო, თუ ჩვენ გამართულად ვისაუბრებთ ქართულად, წავიკითხავთ ქართულად, ვიფიქრებთ ბარბარიზმებისა და ტერმინების თარგმნა-ამოძირკვასა და ფონტების გაუმჯობესებაზე, მივიჩნევთ, რომ ძალიან სასარგებლო პროექტი დაგვიწყია – ყველაფერი შესაძლებელია  – მთავარია მონდომება!

კითხვარი

https://docs.google.com/forms/d/14_D7Xjv_sBNb4qO9FZfqSE3rUxYX8tfoEvK0UUrdl4A/viewform?ts=63970373&edit_requested=true&fbclid=IwAR2tK9vsiNEX76rThvScVs5QIq_4swuaPJFCFFZcUlrbCMN4XDELS2KQK0M ჩავატარეთ პატარა გამოკითხვა, შევადგინეთ საკვლევ თემასთან შესაფერისი შეკითხვები, რათა ჩვენი კამპანიის საჭიროებები გაგვეგო და სამიზნე აუდიტორიის განწყობებსაც დავაკვირდით.