სიახლეები

IBSU რადიოში, პირდაპირ ეთერში მაუწყებლობა მარტიდან დაიწყო და მას შემდეგ “შავი ზღვის საერთაშორისო უნივერსიტეტის” სტუდენტებმა საინტერესო რუბრიკები შესთავაზეს აუდიტორიას. მსმენელებს აქტუალური თემა შესთავაზა ანა ჩალაშვილმა რუბრიკაში “პროფესია”.  მსოფლიოში ერთ-ერთ მოთხოვნად მიმართულებაზე – კომპიუტერულ მეცნიერებაზე ისაუბრეს ტყუპმა დებმა, IBSU-ს სტუდენტებმა ანი და ნინი მერაბიშვილებმა. IBSUNEWS-ის ახალი ამბები აუდიტორიას თეკლა გვარამიას გააცნო. ეთერის რეჟისორი იყო ანა მაზიაშვილი, ხოლო პროდიუსერი – გვანცა გოგიაშვილი იყვნენ.

IBSU რადიოში “შავი ზღვის საერთაშორისო უნივერსიტეტის” სტუდენტური კლუბების გაცნობა გრძელდება.  ჟურნალისტიკის საბაკალავრო პროგრამის სტუდენტის მარიამ ლეთოდიანის სტუმრები იყვნენ თეატრის, დრამისა და მუსიკალური პერფორმანსის კლუბის წარმომადგენლები, რომლებმაც შთამბეჭდავად ისაუბრეს სამომავლო გეგმებსა და იდეებზე. კლუბის პრეზიდემტი არტ არაქელიანი კლუბის ვიცე-პრეზიდენტი თათია უმეკაშვილი IBSU NEWS კი აუდიტორიას სალომე კევლიშვილმა გააცნო

გარემოს დაცვა და მყარი ნარჩენების დანაწევრება-ჩაბარების კულტურა, 21-ე საუკუნის გამოწვევაა. ამ მნიშვნელოვან თემაზე სასაუბროდ IBSU-ს მეცია ცენტრს “ტენეს”  გენერალური მენეჯერი ირაკლი ბურჭულაძე ესტუმრა. ამჟერად,”სატელევიზიო ჟურნალის” წამყვანი იყო ჟურნალისტიკის საბაკალავრო პროგრამის მეორეკურსელი ეთა სულუხია. ასევე, “სატელევიზიო ჟურნალის” მორიგ გამოშვებაზე მუშაობენ ჟურნალისტიკის საბაკალავრო პროგრამის სტუდენტები გვანცა გოგიაშვილი, ანა ჩალაშვილი, ანასტასია გურაშვილი. სტუდენტებმა ამ გადაცემისთვის საინტერესო გარემოსდაცვითი ექსპერიმენტიც დადგეს.

IBSU-ს მედია ცენტრში ვიდეო წარმოების შესახებ ტრენინგებიც ციკლი დაიწყო, რომლის პირველი ეტაპი სატელევიზიო მონტაჟია. ამ მიმართულებით, განსაკუთრებით, ჟურნალისტიკის საბაკალავრო პროგრამის პირველკურსელები დაინტერესდნენ. ჟურნალისტიკის საბაკალავრო პროგრამის სტუდენტმა ლუკა ამბალიამ თავისი ცოდნა და გამოცდილება გაუზიარე ამავე პროგრამის პირველკურსელებს თეკლა გვარამიას, სალომე კევლიშვილს, მარიამ ლეთოდიანს, ელენე სავანელსა და თამარ როსტიაშვილს.

ანა ჩალაშვილი IBSU-ს ჟურნალისტიკის საბაკალავრო პროგრამის მესამეკურსელია. მას შეუძლია მოამზადოს როგორც სტუდიური გადაცემები და ვიდეო რეპორტაჟები, ასევე იყოს IBSU რადიოს წამყვანი და პირდაპირი ეთერის რეჟისორი, ჩაწეროს საინტერესო ინტერვიუები და გადაიღოს ემოციური ფოტოები. ანა ჩალაშვილი, თავად არის იმის მაგალითი, რომ თანამედროვე მედია წარმოუდგენელია მულტიფუნქციური უნარების მქონე ჟურნალისტის გარეშე, ვისთვისაც ღირებულებები მნიშვნელოვანია. იგი IBSU რადიოს ამოქმედებისთანავე ჩაერთო მისი მაუწყებლობის პროცესში და სამომავლოდაც აპირებს გააგრძელოს ეს საქმიანობა.

თეკლა გვარამია IBSU-ს ჟურნალისტიკის საბაკალავრო პროგრამის პირველკურსელია. რადიოს პირდაპირი მაუწყებლობის დაწყებისთანავე თეკლა ამზადებს საინფორმაციო გამოშვებებს. მან ისწავლა ახალი ამბების მოძიება და წერა რადიოს საინფორმაციო გამოშვებისთვის. იმუშავა ინფორმაციის სტრუქტურის შექმნაზე და საინტერესო რესპონდენტების მოძიება-ჩაწერაზე. მისთვის IBSU-ს მედია ცენტრში პრაქტიკის გავლა მნიშვნელოვანი გამოცდილებაა.

“შავი ზღვის საერთაშორისო უნივერსიტეტის” რადიოში აქტუალური თემების განხილვა დაიწყო, რომელთა შორისაა გენდერული თანასწორობა. ამ საკითხზე სასაუბროდ, პირდაპირ ეთერში სხვადასხვა თაობის ადამიანები მსჯელობდნენ. თემაზე – “გენდერული თანასწორობა და სტერეოტიპები ქორწინებაზე” თავისი მოსაზრებები აუდიტორიას გაუზიარეს როგორც სტუდენტებმა, ასევე ლექტორმა. გადაცემის სტუმარი – IBSU-ს მოწვეული ლექტორი ქეთევან გოდერძიშვილი  გადაცემის სტუმრები: IBSU-ს სტუდენტები შოთა დიასამიძე და ალექსანდრე ღიბრაძე. გადაცემის წამყვანი – გვანცა გოგიაშვილი